小學時每年總會有一次學校旅行
然後每一次學校旅行之後果堂中文課
總係會做一次作文，就係寫返旅行既野
而方式純綷視乎果期教緊乜野課文
今次我用倒敍法，因為已成過去
二零零七年十一月十八日，晴
去海洋公園撞正係國際長者日，唔知係免費定好平飛
搞到成大班阿伯阿婆湧晒去海洋公園
又有大陸旅遊團、公司等等(我係跟朋友公司去，$90一張飛)
行程非常簡單，乜野機動遊戲都冇玩過
睇左海洋劇場，好眼訓
然後就好飛咁睇左水母館、漁樂無窮、雀仔同熊貓
因為周圍都好多人，所以冇上年去果次咁好玩
同埋始終有個連我都估唔到自己仲係唔想見既人一齊去
總結︰好在係$90，唔係蝕到嘔
影左少少少少相，會放o向facebk架啦
當一眾同學仔開始收到supervisor回覆既時候
然後繼續埋首於自己份dissertation果時
我依然係等等等……
就連最簡單既回覆確認貓都收唔到
事關我果件supervisor唻左hk教書
就連email都唔覆
佢話要返去先覆我，但又唔話我知幾時返去
如果要大執，咁我點算??
所以我而家趁呢段時間狂hea~
夜晚一早(11點幾)返上床
打下機睇下書
先前買左兩本都未睇晒
不過有一本就快睇完~
最後，還是這一句”我等著你回來~~我等著你回來”
駛錢係我搵錢既原動力 <---駛錢時既"理由"
真係喎
搵左錢儲埋儲埋，留返幾時用呀??
雖然退休之後可能好潦到
真係靠而家儲既錢過活
之不過人生在世，青春時日無多嘛
能力範圍咁買，然後又每個月少少地都有錢剩
唔係過份丫~再者我唔買名牌
(因為真係太貴，我唔願意負擔，同埋我不嬲貪新鮮好快想換新野)
計埋近今個月開始”換季”行動
最多都係用左千幾蚊
包括兩件衫，一個袋，一條披
一條褲，兩對鞋
平均咪差唔多二三百蚊一件，因為時間實在太好
好多商場舖頭都做緊sales~
而且都係放假著既，我一星期最多得兩日用得著上邊既野
買咁貴做乜呢~返工就話貴d o者
因為我有另一個駛錢原則
“駛錢唔緊要，但要駛得值”
所以我買既野真係諗過有冇需要先
仲會諗下應該預幾多錢去買
可以幾十蚊到幾百蚊，有牌子到冇牌子
我諗我都應該差唔多換完季啦
下個月都係時候留定錢換電話啦
總結: 我若然連呢少少錢都唔用，咁我搵錢咪做乜
某job進度…..可以話進入完成階段
但請未有指示要再插手既人收聲
唔好同我講”見到就煩” “諗起就頭痛”之類既說話
因為，做緊果個(我同manager)都未出聲
負責埋尾果兩個唔嘈
幾時輪到你吱吱喳喳??
仲未計我要再執手尾改晒d schedule
=========================================
上星期一o向半催半話情況下交左有80%完成度既dissertation
然後o向我威迫下，supervisor好快咁回覆左我
但只得”I have received your email and will be back in touch”
今個禮拜佢唻香港……..即是佢返去先覆我
唔理，星期六將餘下程度完成埋send俾佢
但應該趕唔切，明顯佢已經在飛機上……..
唉~希望果80%唔駛大改
再加埋其後20%唔駛點執，ok~
交功課，等畢業
============================================
某原因，退左原先既瑜伽會藉，傾緊另一間CENTER
停左三四個月，星期六上左一次試堂
發現自己下半身真係明顯地唔夠力
扭腰拗腰彎身等等我都得
向左右兩邊擘腳我都仲得
但要我企o向度向前遞高伸直腳係冇可能
我會跌死/痛死
一)腳筋硬死左 二)隻腳唔夠力
所以連帶伏轉身O向地下，隻/雙腳向後升高都做唔到
呢樣係我學左年幾以唻都冇成績既一項
會費，仲傾緊
===========================================
兩枝香水都用晒，尋晚出去買
本來諗住轉下，點知慣左果隻香甜味
試左幾款都覺得好淡，唔想要
搵到隻幾好~
仲好似先前果隻咁
一時唔記起，要噴上身試一試先
就買左喇，價值$280
今朝一試，出事
有冇人提議我可以點樣解決左佢
好明顯退貨同換貨都係冇可能
因為尋晚已經拆晒盒仲掉埋
又或者有冇人提議邊隻香水好
不過唔想要d周街都聞到架囉
Honeyey我隻香水係咪真係好唔掂
佢答我”ok既，但唔會係令人好鐘意咁囉，你明唔明呀?”
我明，即是唔難聞，但唔會希望(再/ 成日)聞到
我決定當果$280掟左落咸水海
唔再用
我怕有一日有人同我講”你好臭”
===========================
夜晚出去睇梨花夢，好睇
成日以為中學時讀過老殘遊記
其實係某一課書入面提及過
回應(2) | 回應的RSS | 暫時未有引用通告| 
(0)
星期五因為公司滅蟲，我又同manager出去同客開會
所以順勢放早左，約埋好同事一齊唱k抖抖
話說我揀左間貴價green box
由七點唱到十二點，因為冇人
可能貴同冇乜新歌
但冇新歌唔緊要
因為我地應該點左差唔多兩版twins加cookies
由佢地出道第一首開始到最新一首
當然唔係全部歌啦
五個鐘不停唱，一人一支咪~
如果唔係因為夜，我地係會繼續唱
我已經諗好啦，真係完左個xx垃圾job
又搞掂埋個dissertation要再去一次
依然都會有twins加cookies~~
好變態~ twins fans可以join埋一齊去